بە ناوی دێمۆقوڕازە، بە دڵی فارشیسم

بە ناوی دێمۆقوڕازە، بە دڵی فارشیسم
تنها راە نجات ایران، فاشیسم است،
گردن غیر فارس های ایران را بشکنید،
گویش محلی کوردی،
کمیتە عشایر،
این اشتباە قوم گرایی و تجزیەطلبی در عراق، نباید در ایران تکرار شود،
بز کوهی،
مشت آهنین،
بازتولید استبداد رضاخانی،
کورد و کرد،
ئەم ڕستەگەلە و ئەم وشەگەلە کە دەیبینن و بیستووتانە، قسەی مرۆڤی ئاسایی نییە. قسەی مامۆستای زانکۆ و ئاڵتێرناتیوی حکوومەت و بەرپرسانی دەسەڵاتی هەنووکەیی و ڕاوێژکاری مێدیایی سەرۆک کۆمار و نووسەر و تێئۆریسییەن و شەپۆلی ئاراستەکراوی تۆڕی کۆمەڵایەتی ئێرانییە لە زمانی کاربەدەستانی حکوومەتی جێگیر لە تاران و بەناو ئۆپۆزیسیۆنی کۆماری ئیسلامی لە دەرەوەی ئێران کە سیاسەتی هاوبەش و بیرۆکەی هاوبەش و زمانی هاوبەش و هەڵسووکەوتی هاوبەش بەرانبەر بە کوردستان و کورد، بەکار دەهێنن.
ئەم ڕستەگەلە تەنیا لە ماوەی دوو حەفتەدا گوتراون و نووسراون و دەگوترێن و دەنووسرێن و بێژەران و نووسەران و بەکارهێنەران، هیچ پەڕژینێکیش ناس ناکەن.
فارشیسم، هەنووکە یەک ئامانجی هاوبەشی هەیە، چ حکوومەت بێت چ بەناو ئۆپۆزیسیۆن: کوردستان و پرسی کورد.
پرسیار:
ئایا بەناو دیالۆگ و هاوکاری و پەیمان نامە، ئاسنی سارد کوتاندن نییە؟ بڕێک ئەولاتر، دەرەنجامەکەی نابێتە هاوکاریی ناڕاستەوخۆ بۆ خۆکوژی و کوردکوژی؟
ئایا هەوڵدان بۆ دێمۆکڕاسی لەگەڵ فارشیست، خۆفریوی نییە؟ تێنەگەیشتن نییە؟ خۆگەوجاندن نییە؟
ئایاکوو ئەو پەرتەوازییە و ئەو من من و تۆ تۆ کردنە، ئاو لە ئاشی فارشیست کردن نییە؟
ئایاکوو ئێرانێکی پەککەوتوو و سووککراو و داڕماو، ئەگەر سبەی بە هاوکاری یان کەمتەرخەمی ئێمە-بە ناوی دێمۆقوڕازە- گیانی دووبارە بگرێت یەکەم قوربانی ئێمەی کورد نابین؟ مێژوو بخوێننەوە پیاوانی سیاسەت با تێبگەن وڵامی “ئەرێ”ی گەورەیە.