دەربارەی پێوێستی ستادی هەماهەنگی ڕۆژهەڵات

دەربارەی پێوێستی ستادی هەماهەنگی ڕۆژهەڵات
پێویستی پێکهێنانی ستادی هەماهەنگی نێوان هێزە سیاسییەکانی ڕۆژهەڵات لە ئەگەری هەر تێهەڵچوونێک نێوان ئیسراییڵ و ئێران و پێشهاتەکانی دواتر، بۆ ئەم مەبەستە گشتییانە دەبێت:
پلان داڕشتن،
سازماندان و ڕێکخستن،
دیاریکردنی ئەرک و بەرپرسایەتی،
ئاراستە کردن، ڕێنوێنی و ڕێنومایی،
کۆنترۆڵکردن.
هەماهەنگی ئەو هێزە شاراوایە کە هەموو ئەرکەکانی بەڕێوەبردن، پێکەوە دەبەستێتەوە.
ستادی هەماهەنگی لە سێ ئاستدا، دەکرێت:
ئاستی سەرەوە،
ئاستی ناوەندی،
ئاستی خوارەوە،
هەماهەنگی پڕۆسەیەکە کە دڵنیایی دەدات کە بەشە جیاوازەکان و یەکەکان و ئاستەکانی ڕێکخراوەیی، بە شێوەیەکی ڕێکوپێک و بەردەوام، بە هاوبەشی کار دەکەن بۆ وەدیهێنانی ئامانجی دیاریکراو.
هەماهەنگی، سەرچاوە و هێری سیاسی و خەڵک و هەوڵەکان، ڕیز دەکات کە ئاژاوە و بشێوکە و ناکۆکی سەبارەت بە هەر پرسێک ڕوونەدات:
هەوڵەکان یەکدەخات،
یەکێتی کردار پێکدێنێ،
گارانتی پڕۆسەی بەردەوام دەکات،
ئەرکی گشتگیر بە وردی چێ دەکات،
چالاکییە جۆربەجۆرەکان، یەک ئامانج دەکات،
گرینگی ستادی هەماهەنگی چییە؟
ڕێکخستن لە قەبارەدا گەشە دەکات،
جیاوازییە فکری و ئایدیۆلۆژیک و حیزبییەکان، لە خزمەت ئامانجی گشتی، کاڵ دەکاتەوە،
ئەبێتە هۆکار بۆ هەمەچەشنە کارکردن،
ئەنجام: هیچ هێزێکی ڕۆژهەڵاتی ناتوانێ بە تاکی تەنیا، ڕووبەڕووی ئەگەرەکانی داهاتوو ببێتەوە، تەنانەت مەرجیش نییە کۆی هەموو هێزەکان، گارانتی ڕێوەبەری دۆخەکە بکات. پێویستە هەموو هێزە سیاسییەکانی ڕۆژهەڵات، بە دوورەپەرێزی لە بیرۆکە و کرداری تاک لایەنە، بە نیسبەت پرسی کوردستانەوە، وەک یەکەیەک، بڕوانن بۆ خۆیان، وەک یەکەیەک بڕوانن بۆ دۆزی ڕۆژهەڵات، و وەک یەکەیەک، لە ستادی هەماهەنگی ڕۆژهەڵات، بەرەوپیری ڕووداو و پێشهاتەکان بڕۆن.
لە ڕۆژهەڵاتی ئازادی دواڕۆژ، جێگەی هەموومان دەبێتەوە.
بڕوانە بۆ وتارگەلی پێوەندیدار بە:
Coordination