Image default

ئاپارتایدی ڕەگەزی، بزووتنەوەی ژنانە، تووڕەیی ئابووری، ڕاپەڕینی جەوانانە

‎#jinaRevolt
#مهسا_امینی
‎#jina_amini
ئاپاڕتایدی ڕەگەزی، بزووتنەوەی ژنانە، تووڕەیی ئابووری، ڕاپەڕینی جەوانانە
پیاو ئەتوانێ چەند هاوسەری بێت، ژن مافی تەڵاقی نییە، حەزانەتی منداڵ بۆ پیاوانە، ئێرسی ژن نیوەی پیاوە، ژن بە بێ ئیجازەی پیاو پاسپۆڕتی نییە، عەمەلیاتی ژنان پێویستی بە ئیجازەی پیاوە، درگای زۆر بواری خوێندن لە زانکۆ داخراوە بە ڕووی ژنان، پۆلیسی ئێخلاق دژە ژنە، ڕێژەی بێکاری ژنان سیانزە لە سەدو دوو قاتی پیاوانە، لە هەر پەنج ژن، یەک ژن بەشداری ئابوورییەو هتد، ڕۆخسارێک ئەدات بە پێگەی ژن لە وڵاتێک بە ناو ئێران کە تەنیا دەتوانرێت بە “ئاپارتایدی ڕەگەزی” پێناسە بکرێت.
هاوکات یەک لە سەر سێی خەڵک لە ژێر هێڵی هەژارین، چینی مامناوەند، باریکترو لاوازتر ئەبن، بێکاری و هەڵاوسان و ڕێژەی فەلاکەت، بووگن بە مەزنە قەیران، توانستی کڕین لە یەک ساڵدا پەنجا لە سەد، کەمتر بووە، بەرهەمهێنانی بنەڕەتی، وەستاوە، گەشەی ئابووری بۆ دە ساڵی یەک لە دوای یەک، نزیکەی سیفرە، بەهای هەناردەکردنی ئێران، کەمترو کەمتر دەبێتەوە، ئابووری نەیتوانیوە ببێتە هەوێنی گەشەی کۆمەڵایەتی، ڕێفۆڕمی ئابووری شکستی هێناوە، ئابووری بەرگری، گەندەڵەکانی دەوڵەمەندترو خەڵکی هەژارتر کردووە، هەژدە لە سەدی خەڵک لە ژێر هێڵی هەژارو لە نێو بازنەی بخۆ و مەمرەدان ، بێکاری جەوانانی پانزە بۆ بیست و چوار ساڵ، حەفتاوحەوت لە سەدو زۆرتر لە حەوت ملوێن کەسەو هتد.
لێرەدا بە شێوازێکی ئاشکراتر دەبینرێ کە ژنان و جەوانان لە هێڵی یەکەم و بنیاتنەری شۆڕشێکن کە چیدیکە ئامادە نییە هەلاواردن و بێدەرەتانی قبووڵ بکات، ئامادە نییە بچێتەوە نێو ماڵ و درێژە بە سەرکزی و پەرواێز بوون و بندەستبوون و بێ هیوایی و بێ داهاتوویی و ئاخ هەڵکێشان و بێداد بدات و دڵنیا بووە بە تەواوی کە هیچ گۆڕانکارییەک لە نێو سیستەمێکی پاوانخوازدا ڕوو نادات. لە بەر ئەم هۆکارانەیە کە پێوەندی نێوان کوژراوان و بریندارانی ژن و گەنج لەگەڵ ئاپاڕتایدو ئابووری مردارۆبووگ لە شۆڕشی ژینا، پێوەندییەکی ڕاستەوخۆیە. هەروەها ڕێژەی بەرزی کوژراوان لە کوردەواری و بەلووچستانیش، هەڵگری ئەم ڕاستییەیە کە دواکەوتوویی ئابووری سیستەمێک و پێوەندی داگیرکار- داگیرکراو، چەندە نزیکە لە ڕاستی و حاشای لێناکرێ. بۆیە ژنان و جەوانان، بڕیاریان داوە تا کۆتایی بیبەن؛ یان کۆتاییهێنان بە ژیان یان کۆتاییهێنان بەم شێوە ژیانەو سەرلە نوێ ژیانەوە….

فارشیست

ناسیونالیسم و روشنفکران در ملت بدون دولت – بخش چهارم

دل مشغولی اصلی و نخست “ما” به عنوان یک “کرد” چیست؟

بهزاد خوشحالی

دفتر خاطرات شهید احسان فتاحیان (بخش چهارم)

بهزاد خوشحالی

زۆرجار مێژوو دووپات دەبێتەوە!

بهزاد خوشحالی

“فضیلت کورد”، “رذالت ایرانی-اسلامی”

ضرورت تشکيل”جنبش” در غياب رسمی “احزاب” در مناطق کردنشين ايران

بهزاد خوشحالی

بالاترین نرخ بیکاری کشور

بهزاد خوشحالی

پ.ک.ک و پارتی، دام ها و سرشکست ها

بهزاد خوشحالی