Image default

جەماوەری بێتاقەت، ئامانجی نزیک، قوربانی خێرا

جەماوەری بێتاقەت، ئامانجی نزیک، قوربانی خێرا
یەک: زۆر کەس لە بارودۆخی تایبەتدا ناتوانن بیر لە کێشە ئەخلاقییە قورسەکان بکەنەوە و بە پلەی یەکەم پشت بە کاردانەوەی قووڵی ناخودئاگا دەبەستن بۆ بڕیاردانی قورس و ئاڵۆزو پیچیدە؛ بڕیاردان و دەرکردنی ڕای خێرا و ناعەقڵانی و سۆزدارانە و زیدەڕویانەو ناواقیعییانە و ناکۆک سەبارەت بە پرسە ناوخۆییەکانی کوردستان هەندێک جار زۆر دوورن لە ڕاستی و دادپەروەری. لەم نێوانەدا نابێت ڕۆڵی ئەو کەسانە لەبیر بکەین کە لە توڕەیی و ڕق و تۆڵەکردنەوەو کینەو نەفرەت، ڕای خۆیان دەردەبڕن. ئیستدلال و حوکمدان، ئەو کاتە نزیک دەبێتەوە لە حەقیقەت کە لەسەر بنەمای عەقڵ و ئەخلاق بێت.
دوو: بە ڕوانینێک بۆ داوەرییەکانی خۆمان لە سەر پرسی ناوخۆی کوردستان، بە نووسەرو هونەرمەندو گۆرانیبێژو وەرزشوان و چالاکی مەدەنی و تەنانەت پێشمەرگەو سیاسەت، دەبینرێت کە دوابەدوای درەنگ یان زوو ڕوونبوونەوەی حەقیقەت، چەندە هەڵە بووین و چەندە نا.
هەرگیزیش ئامادە نەبووین یان باشترە بێژم بوێری ئەوەمان نەبووە کاتێک هەڵەی خوێندنەوەو بەراوردو تێگەیشتن و داوەری و بڕیاردانمان کرد بە دوو وشەیش داوای لێبوردن بکەین. تەنیا گۆمەکە ئەشڵەقێنین و کوورەی زکرەکە گەرم دەکەین و دوای ماوەیەک خولانەوە لە نێو بازنەدا.
سێ: بە خوێندنەوەی ئەم ڕەفتارە لە ڕوانگەی “جەوهەری سۆزداری”، لە کاتی ڕووداوێکدا ئێمە هەڵگری کەسایەتی “جەماوەری بێتاقەت”ین. جەماوەری بێتاقەت، بە سەیرکردنی ئامانجێکی نزیک دروست دەبێت، تەنها نزیکترین ئامانج دەناسێت و دەیزانێت، خێرا بەدوای قوربانییەکەیدا دەگەڕێت بۆ کوشتنی، ئەگەر نەزانێت چی بکات، سەیری کەسانی دیکە دەکات بزانێ ئەوان چی دەکەن ئەویش هەر ئەوە بکات. ئامانجی نزیک لای ئەو هەموو شتێکە و قوربانیش ئامانجە. گوێنەدان بە چی ڕوو ئەدات لە داهاتوو، ڕەتکردنەوە، پێکەوە تاوانبارکردن، پێکەوە کوشتن و پێکەوە سووتاندنی ئامانجی نزیک، گەورەترین تایبەتمەندی جەماوەرە بێ تاقەتە.
پێنج جۆر جەماوەر لەسەر بنەمای جەوهەری سۆزداری بریتین لە: جەماوەری بێ تاقەت، جەماوەری خۆدزینەوە، جەماوەری بڤە، جەماوەری پێچەوانە و جەماوەری ئاهەنگگێڕان.
بڕوانە بۆ:
Masse und Macht, E lias Canetti, 1960
Moral decision making is reif with Internal Conflict, Jeniffer Mc Nulty, 2018
وێنە:
Alexander Kumpan

ناسیونالیسم و روشنفکران در ملت بدون دولت – بخش ششم و پایانی

تکنیک‌های اقدام غیر خشونت آمیز (نافرمانی مدنی) – بخش نخست

بهزاد خوشحالی

28 مرداد1358، باطل بودن حکم جهاد خمينی و مشروعيت دفاع ملت کرد از منظر فقه (شيعه) و حقوق (بخش نخست)

بهزاد خوشحالی

ناسیونالیسم و روشنفکران در ملت بدون دولت -بخش نخست

چرا نمی‌توان بر اساس “قواعد دمکراسی” با “اپوزيسيون ايرانی” به گفتگو نشست

بهزاد خوشحالی

بسندگی زبان فارسی، الگوی تسخیر زبانی

“فروپاشی ارزش های ایدئولوژیک” در جمهوری اسلامی، پیش از فروپاشی نظام آغاز شده است

بهزاد خوشحالی

روشنفکری و برخی روشنفکران ما

بهزاد خوشحالی

درباره ی مدل پنج عاملی

دیدگاه خود را بنویسید