پەنج هەنگاوی مرۆڤ داماڵێنەری تۆتالیتاریسم

Image default
دیدگاه گزیده

زمانی یەکگرتوو و شوبهاندنی زاراوەکان بە زمان
پەنج هەنگاوی مرۆڤ داماڵینەری تۆتالیتاریزم
یەک: “ریشارد لگوتکو” لە کتێبی “شەیتان لە دێمۆکڕاسی، وەسوەسەکانی تۆتالیتەر لە کۆمەڵگای ئازاد” باسی ئەوە دەکات کە وێکچوونیکی سەیر هەیە نێوان دێمۆکراسی و سیستەمی تۆتالیتەر بە جۆرێک کە کۆمەڵێ دروشم و پرۆپاگەندەو خوێندنەوەی هەڵە -بە نەزانی یان ئەنقەست- دەکرێت بۆ ئەتۆمی کردنی کۆمەڵایەتی، فەردی کردنی ڕادیکاڵ، گۆشەگیر کردن، تێکدانی پێوەندی کۆمەڵایەتی و درۆی گەورەی دێوەزمەیی.
دوو: پەنج هەنگاوی مرۆڤ داماڵێنەری تۆتالیتاریسم بریتین لە:
خولقاندنی سیاسەت و ئامرازی سیاسی بۆ بڵاوەپێکردنی ترس و دڵەڕاوکێ،
ڕەتکردنەوەی نەرم،
ڕەتکردنەوەی ڕەق،
پاساوی بە زڕەبەڵگەو زڕە دۆکۆمێنت،
وێران کردنی کۆمەڵایەتی و فیزیکی
سێ: کەڵکوەرگرتن لە دێمۆکڕاسی بۆ پێکانی مەبەستەکانی تۆتالیتەر، یاری کردن لە نێو مەیدانی پاوانخواز، هەوڵدان بۆ ئەتۆمی کردنی کۆمەڵایەتی و فەردی کردنی ڕادیکاڵ، گۆشەگیر کردن و تێکدانی پێوەندی کۆمەڵایەتی و درۆی گەورەی دێوەزمەیی لە ڕێگای لێدان لە زمانی یەکگرتوو، لە ڕێگای بە زمان شوبهاندنی زاراوەو بن زاراوەکانی زمانی کوردی، و هەوڵدان بۆ ترازاندنی زمانی کوردی وەک کۆڵەکەی نەتەوەیی، هەروەها مەغڵەتەکردن وەک ئەمرێکی دێمۆکڕاتیک، نموونەگەڵێکن بۆ ئەو باسە کە چۆن بە ناوی دێمۆکڕاسی، خزمەت بە ئامانجەکانی پاوانخواز دەکرێت.
چوار: درووست کردنی ترس کە گوایە لە کوردستانی داهاتوو تووشیاری فاشیزمی زمانی دەبین، ڕەتکردنەوەی نەرم وەک ستەملێکراو پیشاندانی ئاخێوەران بە زاراوەو بن زاراوەکان و بە دێو کردنی زاراوەی سۆرانی، تاوانبار کردنی هۆگرانی زمانی یەکگرتوو لە قاڵبی فاشیست و تاکڕەو وەک ڕەتکردنەوەی ڕەق، زڕە دۆکۆمێنت و زڕەهۆکارو زڕەبەڵگەی بێ بنەما هاوردنەوە وەک شوبهاندنی کوردستان و زاراوەکان بە وڵاتانی فرە زمان -ئەویش بە دەستی ئێلیتێکی ئاکادەمیک-، یان وێکچوون ساز کردن نێوان کوردستان و مێترۆپۆلەکان، یان شوبهاندنی پێوەندی سۆرانی و بن زارەکان بە لاساییکردنەوەی ئێرانشاری و ئاتاتیسمی تورک، نموونەگەلی ئەو هەنگاوانەن کە وەک هەنگاوەکانی مرۆڤ داماڵێنەری سیستەمی پاوانخواز بەکار دێن.
پەنج: ئاشکرایە کە تۆتالیتەر لە قۆناغێکدا، چیدیکە پێویستی بە دەستێوەردانی دەرەکی نامێنێت و بە دەروونی کردنەوەی خۆی لە ناخی داگیرکراو، لە قوربانیانی خۆی کەڵک وەردەگرێت بۆ سەقامگیر کردنی خۆی.
ت.ب: دوو پیلانی “سووکایەتی بە کەسایەتیەکانی کورد بەتایبەت پێشەوا قازی محەمەد”و هەروەها بەزمان شوبهاندنی زاراوەو بن زاراوەکان و دژایەتی زمانی یەکگرتوو، دوو دەیە پێش ئێستا، بەرنامەی بۆ داڕێژراوەو کەسی دیاری ئەم پیلانە وەک کارگێڕ، “ئێحسان هووشمەند”ە.
the Dynamics of insitutionalized dehumanazation

Related posts

گفتمان ایرانشهری، کلان روایت مردە

از کدامين تمدن می‌گوييد

بهزاد خوشحالی

28 مرداد1358، باطل بودن حکم جهاد آیت الله خميني و مشروعيت دفاع ملت کرد از منظر فقه (شيعه) و حقوق

بهزاد خوشحالی

“مبارزه‌ی مسلحانه” به مثابه شکلی از رفتار سياسی

بهزاد خوشحالی

نوروز خونین سنندج، چرایی بحران(3)

بهزاد خوشحالی

ناسیۆنالیزمی ئەدەبی لە شێعری جەلال مەلەكشا

بهزاد خوشحالی

فیس بوک بزرگترین عرصه برای نبرد نامتقارن است (در گفت و گو با آسو نیوز)

بهزاد خوشحالی

چرا شروع مجدد جنبش رهایی بخش در دوران کنونی اهمیت دارد

بهزاد خوشحالی

دومینوی دمکراسی خواهی در خاورمیانه را چگونه می توان به سوی ایران هدایت کرد

بهزاد خوشحالی

دیدگاه خود را بنویسید