ئەگەر هێزی سیاسی ڕۆژهەڵات پێکنەیەن

ئەگەر هێزی سیاسی ڕۆژهەڵات پێکنەیەن
یەکێک لە سێناریۆکانی داهاتووتوێژی (future Studies) بۆ قەیرانی نوێی ڕۆژهەڵاتی ناوین، سێناریۆی “بەیداد” (BeiDad)ە کە ئاوێتەیەکە لە ڕووداوەکانی دوای حەفتی ئۆکتۆبری”بەیرووت” و دەیەی نەوەدی زایینی سەدەی پێشووی “بەغداد و شەڕی یەکەمی کەنداو.
پێوەرە سەرەکییەکانی بەیداد چین؟
هێرشی دەرەکی،
قەڵشی نەتەوەیی- ئێتنیکی- ئایینی،
داڕمانی ئابووری،
بێمتمانەیی کۆمەڵایەتی، 
گەندەڵی سیستەماتیک،
قەیرانی ڕێوەبەری،
کەڵەکەبوونی قەیران و مەزنەقەیرانەکان،
سزا قورسەکان،
گوشاری دەرەکی،
گەمارۆی ئابووری،
کەڵەکەبوونی ناڕزاییەکان،
پرتووکانی ژێرساختەکان،
هێرشی سەربازی کۆنترۆڵکراو لە کاتی پێویست،
تاڵکێشبوونی هەنگاو بە هەنگاو.
ئەنجامەکانی سێناریۆی بەیداد:
داڕمانی وردەوردە و ناهاوسەنگ،
دابەشبوونی دەسەڵات لە دەوری قەڵشە نەتەوەییەکان،
شەڕی حەیدەری- نێعمەتی،
لاوازی ڕۆژانەی دەسەڵاتی ناوەندی،
زیادبوونی ئەکتی چالاکانە لە نێو هەموو کەمینەکان،
چالاکی خاک تەوەر لە نێو پێکهاتە نەتەوەییەکان.
سێناریۆی بەیداد، یەکێک لە نزیکترین ئەگەرەکانە و ئەگەر هێزە کوردستانییەکان، پێکنەیەن، لەوانەیە سێناریۆگەلی ناوەندتەوەر بە بەشداری چوارگۆشەی “موجاهدین خەلق”، “سەڵتەنەتخواز”، “پاشماوەکانی ڕێفۆڕمخوازی” و “پشکخوازانی هاوکاری سیستەمی ئەمنی وڵاتانی ڕۆژئاوایی” کە بە “عوامل نفوذ” ناسراون، زەق ببنەوە و دەرفەتەکان بۆ کوردستان و کورد بمرن.
ئەگەریش پێکبێن ئەوا دەبنە فاکتەری سەرەکی ڕۆڵگێڕان لە بازنەی سێناریۆکەدا.