چینی کرێکارو سەربەخۆیی نەتەوەیی، نموونەی هێندستان
یەکەم هەنگاوەکانی سەرهەڵدانی چینی کرێکار بۆ هاتنە نێو بازنەی چالاکی و سیاسەتی هێندستان لە نیوەی دووهەمی سەدەی هەژدە ڕووئەدات: ڕێگای ئاسن و پیشەی قوماش و خەڵووزو مەزرای چای و دواتر ڕێکخستن و سازمان و یەکێتی کرێکاری و مانگرتن و ڕێپێوان بۆ مافی کرێکاران و دژ بە ستەمی کارو دواتری دژایەتی کۆلۆنیالیسم و داگیرکاری وەک کاریگەری ڕاستەوخۆی لە سەر بێعداڵەتی و ستەمکاری.
سوادشی، هاتنە نێو بازنەی سیاسەتی چالاکانەی کرێکاران دژ بە داگیرکاری بریتانیا بوو؛ مانگرتن و دەربڕینی ناڕزایی کرێکاران و تەنانەت بەشداریکردن لە سزادانی شۆڕشگێرانەی داگیرکەران و بەکرێگیراوان و پشتگیری لنین لە سەرهەڵدانی سیاسی کرێکارانی هێندستان و “کرێکاران هەستاون بە بەرگریکردن لە نووسەران و ڕێبەرانی سیاسی خۆیان… “.
دوای شەری یەکەمی جیهانی، کرێکاران و جووتیاران، گەورەترین کاریگەرییان بوو لە شکاندنی تابۆی داگیرکاری و بوون بە دینامیسمی دژایەتی کۆلۆنیالیسمی بریتانی و جێگیر بوونی “کاریگەری مۆراڵ” لە کۆمەڵگای هێند بۆ ڕووبەڕووبوونەوەی داگیرکاری.
مانیفێستی پرۆڵتاریای هێند، دواتر داوای لە کرێکاران کرد ببن بە “داوەری چارەنووسی خۆ”و بەشێک لە “ڕزگاری نەتەوەیی”.
شەڕی پارتیزانی جووتیاران و بوێری چینی مەزراداری هەژار بۆ “سەربەخۆیی نەتەوەیی”و شۆڕشی چەکداری چینی کرێکار، بەرهەمی مانیفێست و بەشداری چالاکانەی چەپی هێندستان بوو لە قۆناغەکانی سەرهەڵدان تا سەرکەوتنی ئەم وڵاتە لە بزووتنەوەی سەرخۆیی و سەربەخۆیی: هاواری هێندستان بۆ ئازادی نەتەوەیی و یەکسانی و دێمۆکڕاسی.
چینی کرێکارو چەپی هێند، وێڕای هەوڵدان بۆ ژیانی باشترو خۆشبژیوی، هەرگیز خۆی لانەدا لە بزووتنەوەی ڕزگاریخوازی نەتەوەیی و خەبات دژ بە داگیرکاری و کۆلۆنیالیسم و تەنانەت، دینامیسمی شۆڕشی ڕزگاری و سەربەخۆیی و سەروەری نەتەوەیی هێندستان و هەنووکەش، لە هێڵی یەکەمی پاراستنی ئازادی و دێمۆکڕاسی و گەشەی ئابووری ئەم وڵاتە، بەشداری چالاکانە دەکات.
ئەزموونی چینی کرێکار بۆ سەربەخۆیی و پاراستنی سەروەری، وانەیەکی بەرچاو سەرنجڕاکێشە بۆ هۆگران و نەیارانی چەپ کە هیچ دژایەتییەک نێوان سەربەخۆییخوازی و چەپدا نەک تەنیا، مەغڵەتەیە بەڵکوو چەپ، هەر کات ڕووبەڕووی داگیرکاری و کۆڵۆنیالیسم بووگە، هەموو توانای خۆی بەکار هێناوە بۆ مافی چارەنووسی نەتەوەو ڕزگاری و سەروەری و سەربەخۆیی…
ڕۆژی جیهانی کرێکاران پیرۆز
بڕوانە بۆ:
75 Years of India’s Independence Workers in India’s Freedom Struggle, AICCTU, 2023
آیا حفظ تمامیت ارضی، ایران را نجات خواهد داد
ناسیونالیسم رمانتیک ایرانی، غیاب عقل
