کوردستان، هەنووکەیش گەورەترین سەنگەری خەبات و بەرخۆدانە دژ بە تۆتالیتاریسمی ئێرانی
بە پێی هانا ئارێنت، پاوانخواز، کۆمەڵگا بەرەو ئەم حاڵەتانە دەبات:
سەرچاوە نەریتییەکانی دەسەڵات، هەموو دامەزراوەکان کۆنترۆڵ دەکەن،
هێزی یاخی، دەبێتە هێزی باڵادەست،
تەقینەوەی نەزانین ڕوو ئەدات،
مرۆڤ لە ژیانی سیاسی، پەراوێز دەخرێت،
چیدیکە خەڵک، بە فەرمی ناناسێت،
مردووە زیندووەکان، دەبێتە دیاردە،
جیهانی خەیاڵی و داهاتووی خەیاڵی، دەکرێتە ئامانج،
مرۆڤی ناڕازی، فڕێدەدرێتە دەرەوەی کۆمەڵگای پاوانکراو،
دەسەڵاتی ترس، هەموو کۆمەڵگا دادەگرێت،
وێنەگەلی هەمیشە دووبارەبووەوە پیشانی کۆمەڵگا دەدرێت،
مرۆڤەکان دەشکێندرێن بۆ بەشە پێکهێنەرەکانیان،
کێشە ڕاستەقینەکانی سەردەم چیدیکە ناتوانرێت تێبگەین چ بگرە چارەسەر بکرێن،
کۆمەڵگا لە سەرلێشێواوییەکی سیاسی گەورە و چارەسەرنەکراودا بەرهەڵدا دەکرێت،
کۆمەڵگا فێر دەکرێت کە سزاگەلی گەورەتر لە مردنیش بوونی هەیە،
هەموو شتێک لە سەر ڕێگای خۆیدا، بە پشت بەستن بە ئایدۆلۆژیا و یاسا، بە هەموو شێوازەکانی تیرۆر، لە ناو دەبات،
میدیا دەکاتە دەزگای پڕوپاگەندە و درۆ،
ژیانی تایبەتی مرۆڤەکان لادەبات،
کۆمەڵگا دەبێتە دیاردەی ئاوێتەی جوێن و نزا و پاڕانەوە و ڵاڵانەوە،
مرۆڤ لە هەموو بوارەکاندا دەبێتە گورگی مرۆڤ،
زانست و مەعریفە وگێڕانەوەو فەلسەفەی ساختە، بە پشتبەستن بە ئایدیۆلۆژیا، لە ڕێگای پەرورەردە و پڕۆپاگاندا و مێدیا دەبێتە دیاردەی باو،
لە خەونی مرۆڤدا نیشتەجێ دەبێت و بیرۆکە و ڕوانین و یادەوەرییەکانی ئەمڕۆ و سبەینێ داگیر دەکات،
ئەخلاق و ڕەفتار و شوناسی گشتی، لە سەرەوە بۆ خوارەوە دەبنە ڕێنمایی و دەستوور،
بێ هیوایی لە ئیمکانی گۆڕان، بە دەروونی و دامەزراوەیی دەکرێت،
ئەتۆمیزە کردنی ڕادیکاڵی هەموو کۆمەڵگا، بیابانی سیاسی درووست دەکات،
پێویستی کرداری سەرکوتکەرانەی پاوانخواز و پێویستی کاردانەوەنەکردنی خەڵک دەبێتە پرەنسیپ،
زنجیرە ئاسنییەکەی ترس و تۆقاندن و تۆقین، فرەیی مرۆڤەکان لەناو دەبات و….
بە ڕوانین بۆ کۆمەڵێک لە تایبەتمەندییەکانی پاوانخوازی و تۆتالیتاریسم، گرینگی کردەوە و کاردانەوەی کوردستان، دەردەکەوێت کە چۆناوچۆن لە نزیک بە پەنج دەیەی ڕابڕدوو، وەکوو پێشەیەک لە گەرووی حاکمییەتی ئێرانی، هەرگیز ملی بە ئیرادەی پاوانخوازیی نەداوە و هەموو ڕێسەکانی کردووەتۆ بە خوری.
کوردستان، هەنووکەیش گەورەترین سەنگەری خەبات و بەرخۆدانە دژ بە تۆتالیتاریسمی ئێرانی….
بابەتەکانی تر
قۆناغەکانی شوناسی چالاکانە و شوناس سالاری نەتەوەیی
