گرینگترین خاڵەکانی ئەم نامەی د.قاسملوو بۆ هاوڕێیەکی ئێرانی

گرینگترین خاڵەکانی ئەم نامەی د.قاسملوو بۆ هاوڕێیەکی ئێرانی
ڕەخنە لە ڕوانگەی چەپی ئێرانی،
بەردەوامبوونی ئێرانی لە ڕوانینی کۆلۆنیاڵی بۆ کوردستان،
باڵادەستی نەتەوەیەک بەسەر نەتەوەیەکی تردا لە هزر و سیاسەتی ئێرانی،
چەواشەکردنی ڕوانگەی لێنێن دەربارەی مافی چارەی خۆ نووسین بۆ نەتەوەکان و مەرجدارکردنی بۆ کوردستان لە لایەن چەپی ئێرانی،
ڕەخنە لە پێویستی کۆدەنگی ئۆپۆزیسیۆن بۆ سەرەونخوونکردنی ڕژێم لە ئێران، بەڵام ناڕوونبوونی چارەنووسی دواتر بۆ دۆزی کورد،
پێچاندن و ئاڵۆزاندنی ڕوانگەی لێنین بۆ مافی چارەی خۆنووسینی نەتەوەی کورد لە لایەن هزر و سیاسەتی ئێرانی،
ئاماژەی ڕوون بە کورد وەکوو نەتەوە،
نەتەوەی کورد لە پارچەکانی دیکە،
ڕژێمی نگریسی بەعس لە عێراق و سەرکوتی شۆڕش لە باشوور،
پێویستی هەڵوێست گرتنی کۆمەڵە دەربارەی دۆخی ئەودەمی شۆڕش و سەرکوت لە باشوور.
٭٭٭٭
لەم نامەیەدا کە هاوڕێیەک بۆ هاوڕێی دیکە بە شێوازی دۆستانە نووسیوییەتی و دوورە لە پێوەندییە فەرمییەکان، د.قاسملوو بە ڕوونی ئاماژە بە جۆری ڕوانگەی ئێرانی دەکات بە نیسبەت گەلی کورد کە لە سەرەوە بۆ خوار و نیگای باڵادەستانەیە، ئەو جۆرە نیگایە کۆلۆنیالییە، چەپی ئێرانیش وەک باڵەکانی دیکەی سیاسی لە ئێران، پرسی کوردستانی، چەواشە دەکات، ڕوانگەی براگەورە و برا بچووک (big Brother)، لە باشترین حاڵەتدا بە نیسبەت نەتەوەی بان دەست و کورد، بوونی هەیە، کورد تەنیا وەک ئامێرێک سەیر دەکرێ بۆ تێپەڕین لە ڕژێم و وەک ئەمڕۆ ئێژن “فردای ایران” و “دمکراسی ایرانی”، هیچ مافێکی بۆ کورد تێدا نابێت و سنووردارە، و پێویست بکات هەموو چەمکەکان تا ئاستی ساختەکاریش خوار دەکرێنەوە بۆ پاساوی بیرۆکەی کۆلۆنیالی و بالادەستی، و گرینگتر لە هەمووی، کورد، نەتەوەیە و پارچەپارچە کراوە.
زامە ئاشناکانی نووسراو لەم نامەیەدا، ئاماژەن بە ئازاری درێژخایەن (درد مزمن) و ئاجووری لاری پێوەندی کوردستان- ئێران کە لە دەرەوەی چەپ و ڕاست و کۆماریخواز و ئایدۆلۆژیک، بنیات نراوە و لە قۆناغە مێژووییەکاندا دووپات و چەند پات دەبنەوە.
تەنانەت لەو شوێنەدا کە قاسملوو ئاماژە دەکات: خەریکە مۆڵەتی مانەوەکەم لێرە تەواو دەبێت بەڵکوو چارەیەکم بۆ ببیننەوە و شوێنێکی حەوانەم بۆ بدۆزنەوە😭
ت.ب: ناوەکانم لەبەر پاراستنی هەرێمی تاکی کەسایەتییەکان ڕەش کردووەتەوە