ڕوانین بۆ هەرێمی کوردستان وەک وڵاتێکی دێفاکتۆ؛ هێڵدانانی نەرم بەرەو داهاتوویەکی جیاواز

ڕوانین بۆ هەرێمی کوردستان وەک “وڵاتێکی دیفاکتۆ”؛ هێڵدانانی نەرم بەرەو داهاتوویەکی جیاواز
دەستەواژەی “وڵاتی دیفاکتۆ” چەمکێکە کە دەتوانرێت بۆ وەسفکردنی پێگەی ئێستای هەرێمی کوردستان لە پێوەندی لەگەڵ ئامریکا و بەشێک لە ئەکتەرە نێودەوڵەتییەکان بەکاربهێنرێت.
هەرێمی کوردستان وەک “وڵاتێکی دیفاکتۆ” – وەسفیی و شیکاری نەک فەرمی- ئێستا یەکەیەکی سیاسییە بەم تایبەتمەندییانە:
کۆنترۆڵی سەرزەمینی و حکوومەتی تا ڕادەیەک کارامە؛
دامەزراوەی سەربەخۆی حکوومەتی و ئاسایش و تا ڕادەیەکی زۆر ئابووری؛
نەبوونی “دانپێدانانی یاسایی” لەلایەن کۆمەڵگای نێودەوڵەتی؛
مامەڵەکردن وەک وڵاتێک و هەبوونی پەیوەندییەکانی دەرەوە بە شێوازی نافەرمی یان نیمچە فەرمی؛
پارلەمان و حکوومەت و هێزی سەربازی و سیاسەتی دەرەوەی نیمچە سەربەخۆ؛
پەیوەندی ڕاستەوخۆ لەگەڵ وڵاتانی وەک ئامریکا، بەریتانیا، فەرانسە، ئاڵمان، تورکیا، ئێران؛
کونسووڵخانە و ڕێککەوتنە ئەمنی و ئابوورییە سەربەخۆکان؛
ڕەهەندەکانی وەبەرهێنان و پڕۆژەی سەربەخۆ فرەتر لە قەبارەی پێناسەکراو بۆ هەرێمێکی نیمچەسەربەخۆ؛
گرێبەستی ئابووری و ئەمنی و وزە لەگەڵ هەرێم بەبێ دەستێوەردانی حکوومەتی ناوەندی؛
پەیوەندییە سیاسی و ئەمنییەکانی ڕاستەوخۆ؛
ڕووکردی هێمایین و ستراتیژیکی وڵاتان بۆ هەرێم؛

هەروەها دەتوانرێت کارلێکە ستراتیژییەکانی ئامریکا و ئورووپا لەگەڵ هەرێمی کوردستان وەک نیشانەی “هێڵدانانێکی نەرم” بۆ داهاتوویەکی جیاواز شی بکرێتەوە:
کاکڵدانانی دیپلۆماتیک و ئەمنی و ژێرخانیی ڕۆژئاوا لە هەرێم؛
پرۆسەی هێدی هێدی پێناسەکردنەوەی هەرێم وەکوو شەریکی ستراتیژیکی سەربەخۆ؛
هاوتەریببوونی ئەگەریی لەگەڵ پڕۆژەکانی وەک پەیمانی ئیبراهیم؛
پەیوەستبوونی هەنگاو بە هەنگاو بۆ پێکهاتەکانی ڕۆژئاوا بەبێ ڕاگەیاندنی فەرمی.