“حق تعیین سرنوشت مردم ایران” و مافی چارەی خۆنووسینی ئێمە
یەک: ئەوەی کە بۆ یەکەم جارە بە شێوازێکی ئاشکراتر لە هەمیشە، لە زاری کەسایەتییەکی ئێرانی و دواجار مەنزوومەیەک لە چالاکانی ئێرانی، چەمکی “حق تعیین سرنوشت” بۆ “مردم ایران”، بەکار دەهێنرێت تێپەڕینێکی چلۆنایەتییە کە لە قۆناغێکەوە هەنگاو دەنێت بەرەو قۆناغێکی دیکە.
دوو: چەمکەکە لە چوارچێوەی ئێراندایە و زۆر ئاساییە کە هەموو هەوڵ و تەقالای خۆی بدات بۆ ئەوەی چەمکەکە ببەستێتەوە بە خەڵکی ئێران و یان خود “مردم ایران” و بیگشتێنێت وەکوو تاکی شارمەندی ئێرانی.
سێ: ئەمە ئەتوانێت سەرەتا جۆرێک کاردانەوە بێت بەرانبەر نەتەوەکان و زۆرتر لە هەموویان نەتەوەی کورد لە بەکارهێنانی ئەم چەمکە. ئێرانی باش دەزانێت کە دواتر لە چوارچێوەی یاسای نێونەتەوەیی ناتوانێت بەرەنگاری ئەم خواست و مافە ببێتەوە بۆیە هەم چوارچێوەبەندی گشتی ئەکات لە قاڵبی ئێران، هەم شارۆمەندێزەی ئێرانی دەکات و هەم بە ئێبهامی گشتی، دەرفەت بۆ خۆی ئەگوێزێتەوە بۆ داشکاندان و ریداکسیۆن کردن و هەم کاتێک کە مۆئەسەساتی بۆ تەواو کرد (بە ڕێفڕاندوم و “مجلس موسسان”) بتوانێت بە تەفسیر و لێکدانەوە، “مصادرە بە مطلوب”ی ئێرانی بکات.
چوار: هێزە سیاسییەکانی ڕۆژهەڵات پێویستە هۆشیار بن سەبارەت بە چەن خاڵ:
هەوڵدانی ڕەوتی بەناو ڕێفۆڕم بۆ ئێسڵاحات لە چوارچێوەی کۆماری ئیسلامی،
ناواقعیبوون و فریودەربوونی ئەم چەمکە لە حاڵێکدا هەموو سیستەم، هەر هەمان قەبارەی هەیە و تەنیا بە شێوازی کاتی و بە ڕووکەش، تا کاتێکی دیاریکراو، بە ڕواڵەت دەگۆڕدرێت،
هەوڵ بدات خواستی نەتەوەیی مەشرووعی نەتەوەکان بەم شێوازە مەهار و کۆنترۆڵ بکات،
بەرپێگری گۆڕینی حاکمییەتی ئێرانی بکات.
پەنج: هێزە سیاسییەکان پێویستە لە گوتار و هەڵوێستی خۆیان بە ئاشکرا ئەم پرسە بهێننە ئاراوە کە ئایاکوو مەبەست لە “حق تعیین سرنوشت مردم ایران”، تەنیا وەکوو تاکی شارۆمەندە یان بە پێی یاسای نێونەتەوەیی هەموو مافەکانی چارەنووسیش دەگرێتەوە و لە یاساداناندا دەگونجێندرێت. (لێرەدا بەردەنگ ئەو هێزە سیاسییانەن کە هێشتاکوو پابەندن بە سیاسەت لە چوارچێوەی ئێراندا).
شەش: و وەکوو خاڵی کۆتایی پێویستە نەتەوەی ئێمە ئاگاداری ئەم ڕاستییە بێت کە هەر سمێڵ سوورێکی “حق تعیین سرنوشت”، هەمزە ئاغای “مافی دیاریکردنی چارەنووس نییە”. فارس گوتەنی:
آن یکی شیر است اندر بادیە، وین یکی شیر است اندر بادیە، آن یکی شیر است کە آدم می خورد، وین یکی شیر است کە آدم می خورد….
لە پێویستی سازماندانی خێرای سەربەخۆییخوازانی ڕۆژهەڵات
کورد و مەغڵەتەی چەکی شکاو
