گرینگی پێکهێنانی کۆمەڵگای هاوتەریب لە ڕۆژهەڵات

گرینگی پێکهێنانی کۆمەڵگای هاوتەریب لە ڕۆژهەڵات
ژیان بە پێی یاساو نەریتی کوردستانی،
پەروەردەی نەتەوەیی کوردی،
ملکەچنەبوون بەرانبەر ئاسیمیلاسیۆنی ناوەندگەرای ئێرانی،
جودابوونەوەی ناسنامەو شوناسی کوردستانی لە شوناس و ناسنامەی ئێرانی،
پێکهێنانی ڕێسای جیاوازی یاسایی، کولتووری، کۆمەڵایەتی و ئەخلاقی،
پێکهاتنی وێژمانی جیاوازو لۆژێکی وێژمانیی جیاوازو ڕێکخستنی گوتاری جیاواز،
یەکخستنی ناوچە لاوازەکانی بەرخۆدان(جوگرافیایی و پێکهاتەیی وەکوو زاراوەو ناوچەو ئایینزاو ئایدیۆلۆژی و چینایەتی)،
تەکمیلبوونی سنووری خودی کوردستانی و ئەویدی ئێرانی(دەسەڵاتی سەخت و هێزی نەرم)،
دروستبوونی توانستی بزاوتی سەرتاسەری نەتەوەیی لە جوگرافیای ڕۆژهەڵات،
شەرعییەت داماڵین لە گشتییەتی دەسەڵاتی ئێرانی بە وێژمان و پراتیکی گشتگیری کوردستانی،
پێکهاتنی کۆمەڵگای سەربەخۆی فەرهەنگی، کۆمەڵایەتی، پەروەردەیی، مێدیایی، دەروونی و ئابووری کوردی وێڕای هێزی سیاسی داسەپاو،
ڕزگاربوون لە بەها و پلەبەندییە ڕێکخراوییەکانی ئێرانی،
دروستبوونی جیهانێکی نەتەوەیی کوردستانی کە بە مێتۆدێکی تەواو جیاواز، سازماندراوەو کاردانەوەی دەسەڵاتی داگیرکەر، گەیشتووتە کەمترین ئاستی کارامەیی و کارتێکەری خۆی.
کۆمەڵگای ڕۆژهەڵات ئەگەرچی لە قۆناغ و زەمەنی بەڕێکەوت، نیشانەگەلی کۆمەڵگایەکی هاوتەریبی نمایشت کردووەو لە بڕێک تەوەرەکاندا، بە دامەزراوەییبوونیشی تێدا دەبینرێ، بەڵام هێشتا نەگەیشتووە بە قۆناغی سیستەمیی کۆمەڵگای هاوتەریب و پێویستە، بە پلان و بەرنامە، بەرەو ئەوە بڕوات.
کۆمەڵگای هاوتەریب یەکێکە لە بنەما هەرە گرینگەکانی ڕەوتی “نەتەوە- دەولەت سازی” کە لە خوارەوە بۆ سەرەوە، ئەندازیاری خشت بە خشت دەکات و هێدی هێدی جێگە بە دەسەڵاتی داگیرکەر، لێژ دەکات.
بڕوانە بۆ:
Parallel Society