پێویستی شکاندنی شێوازی نەوەکان

پێویستی شکاندنی شێوازی نەوەکان
چەمکێکمان هەیە بە ناوی شێوازی نەوەکان (Generational Patterns) کە زۆر جار هەڵدەگەڕێتەوە بۆ بیروباوەڕ، خوو، نەریت، ئەخلاق، بڤە، تایبەتمەندی دەروونی، شێوازی کولتووری، ڕۆڵ، چاوەڕوانی و شێوازەکانی پێوەندیکردن و هەڵسووکەوت جۆری بیرکردنەوە و تەنانەت خەون و خولیاکان کە ڕەنگدانەوەی لە ژیانی فەرهەنگی و کۆمەڵایەتی و سیاسی نەتەوەکاندا هەیە و وەکوو بەشێک لە “ژنتیکی مرۆڤی”، بە دەروونی کراوە و بەردەوام دووپاتە دەبێتەوە.
ئەم تایبەتمەندییە بۆ هەموو نەتەوەکان گشتییە و بە چاک و خراپ، دەورێکی باڵای گێڕاوە لە بەسەرهات و چارەنووسی گەشە و کەوتنەکانی گرووپەکانی مرۆڤ بە درێژایی مێژوو.
تایبەتمەندی نەتەوە گەشە سەندووەکان ئەوە بووە کە توانیویانە بە تایبەت لە ڕێگای ئەزموون وەرگرتن و دواتر پەروەردە، ئەم شێوازگەلە بە باری چاکەکەی، بەهێزتر و تەواتری بکەن و ئەوەی سەرچاوە و دەرەنجامی خراپەی لێکەوتووەتۆ، هێدی هێدی لە زەینی تاکەکانی نەتەوەی خۆیاندا یان کەمڕەنگی بکەنەوە یان لایدەن و یان گۆڕانکاری بەسەردا بهێنن بە “شکاندنی خولەکانی نەوەکان” (Break Generational Cycles).
بۆ نەتەوە بێ دەوڵەتەکان یان خاکە داگیرکراوەکان، ئەم شکاندنە چەند جار زەحمەت و پێویستە لەبەر ئەوەی دەسەڵاتی داسەپاو، شێوازە نەرێنییەکانی نەەوەکان بەهێزتر دەکاتەوە، شێوازەکانی خۆی لە زەمەندا جێگیر دەکات، نەتەوەی بێ دەوڵەت، بێوەرییە لە سیستەمی پەروەردە و…. کۆی ئەم خەسار و دیاردەگەلە، “فرەکەڵەکەبوون” بەرهەمدەهێنێت و دواجار، دیسانەوە نەتەوەی بێ دەوڵەت و داگیرکراو پاڵ بێوەدەنێت بۆ لە ئامێز گرتنی ڕابڕدوو و هەمان شێوازگەلێک کە لە کۆنەوە، خولقێنەری نەهامەتی و چەرمەسەری ئێستا و ئێرەیی بووگن.
بۆ دەربازبوون لە “خولانەوە نێو بازنەدا”، پێویستە شێوازی نەوەکان و خولەکانی وەچەکان، بشکێندرێن….