کۆنتڕۆڵی گێڕانەوە و بەینۆ بەینۆ
ئەگەر خۆمان بە کوردی ئێرانی و عێراقی و تورکییەیی و سووریایی دەزانین، ئەگەر توانای ئەوەمان نییە لە چرکەساتی دەوڵەت سازی، خۆمان لە داگیرکاری دەرباز کەین، ئەگەر گیرۆدەی بەزمی ناوەندەکانین، ئەگەر لە ئایدۆلۆژیا و ئایین دا، لە پاپ، کاتۆلیکترین، ئەگەر لە نزیکەو کۆلاپسی داگیرکەران، دەبین بە پێغەمبەر و سەربازی ساخکردنەوەیان، ئەگەر ناسنامەی خۆمان بەم و بەو دەبەستینەوە، ئەگەر تەنانەت ئینکاری شوناسی خۆمان دەکەین، ئەگەر ناوەندەکان بە سەرچاوکەی ئەقڵانییەت و ئەمنییەت و نەزم و سەقامگیری دەزانین، ئەگەر گێڕانەوەی کوردی بە وردەگێڕانەوە و ئەوەی ناوەند بە مەزنەگێڕانەوە مەزەندە دەکەین، ئەگەر داستانی بنیات، دەبەینەوە بۆ داگیرکەر، ئەگەر لە گێڕانەوەی خۆمان دابڕاوین یان سڵی لێدەکەینەوە، ئەگەر پرسی کوردستانی بۆ کێشەی نێوخۆیی ناوەند داشکاندن دەکەین، ئەگەر هەزارەم بوونی ناوەندەکان بە یەکەم بوونی کوردستانی دەگۆڕینەوە، ئەگەر شێری ماڵەوەین و ڕێوی ناوەندەکان، ئەگەر سەربەخۆیی بە خەونی شیرین دەزانین، ئەگەر تف دەکەین لە ناسیۆناڵیزم و بەکۆیلەمانەوە تیۆریزە دەکەین، ئەگەر “تمامیت ارضی”، وەکوو هێڵی سوور سەری بۆ دادەنەوێنین، ئەگەر هێڵی سووری نەتەوەییمان نییە، ئەگەر حاشا لە نەتەوەبوونمان دەکەین، ئەگەر دوژمنی ناوەندەکان بە دوژمنی خۆمان پێناسە دەکەین، ئەگەر لە بازنەی باتڵی ئەویدییەکانی ناوەند دەخولێینەوە، ئەگەر تووشی فەرامۆشی کۆ دەبینەوە، ئەگەر دەست بە سینە دەبین بۆ یادەوری ساختە، ئەگەر تا هەتاهەتا، سەربازی هەمیشە قوربانی ناوەندەکان و شەترەنجی سیاسەت و هێزین، و ئەگەر نواندنەوەی شکست، دەبێتە شابەیتی دووبارەبووەوەی مێژوومان،
ئێمە گیرۆدەی “کۆنترۆڵی گێڕانەوەین”.
فەرقیش ناکات کێ بێت و چی بێت و چۆن بێت و لە کۆی بێت. من و تۆ و ئەم و ئەوی نییە. تا کۆنتڕۆڵی گێرانەوە مابێت هەمان ئاشە و هەمان کاسە:
بەینۆ بەینۆ بەینۆ، هاوین کەپرێ دەکەینۆ، زووسان تێکی دەدەینۆ، ئەیزەن درووسی ئەکەینۆ، ئۆخەی ئۆخەی لەو بەشە….
بڕوانە بۆ:
Narrative Control
بابەتەکانی تر
No Comment! Be the first one.